மண்ணின் மைந்தர்கள் வெற்றிக்கிணத்திற்கான உதைபந்தாட்டப் போடிட்கள் செம்மலை விளையாட்டுக்
''மண்ணின் மைந்தர்கள் வெற்றிக்கிண்ணம்'' உதயசூரியன் வசம்: வட்டுவாகலிடம் வீழ்ந்தது அளம்பில்
மண்ணின் மைந்தர்கள் வெற்றிக்கிணத்திற்கான உதைபந்தாட்டப் போடிட்கள் செம்மலை விளையாட்டுக்
புதிய சீருடையுடன் '' மண்ணின் மைந்தர்கள் ''இறுதிப் போட்டியில் வட்டுவாகல் : அளம்பிலுடன் பலப்பரீட்சை
09.04.2022 நாளை "மண்ணின் மைந்தர்கள்" மாபெரும் வெற்றிக்கிண்ணத்தின் இறுதிப் போட்டியில் வட்டுவாகல் உதயசூரியன் விளையாட்டுக் கழக மானது அளம்பில் இளந்தென்றலுடன் புதிய சீருடையுடன் பலப்பரீட்சை நடத்தவுள்ளது.
போட்டி மனப்பாங்கு அதிவேகம்: இளம் ஆசிரியரைப் பலியெடுத்த வட்டுவாகல் விபத்து
முல்லைத்தீவு வட்டுவாகல் பகுதியில் தனியார் பேருந்து வேக கட்டுப்பாட்டினை இழந்து தடம்புரண்டு விபத்துக்குள்ளானதில் ஒருவர் உயிரிழந்துள்ளதுடன் 22 பேர் காயமடைந்துள்ளார்கள்.
இவ் விபத்து சம்பவம் நேற்று (21) இரவு இடம்பெற்றுள்ளது.
விபத்தில் உயிரிழந்த கிளிநொச்சியினை சேர்ந்த இளைஞனின் உடலம் பிரேத பரிசோதனைகளின் பின்னர் உறவினர்களிடம் இன்று (21) ஒப்படைக்கப்பட்டுள்ளது.
விபத்தின் போது காயமடைந்தவர்கள் சிலர் மாவட்ட மருத்துவமனையில் சிகிச்சை பெற்று வருகின்றார்கள். விபத்திற்கான காரணம் தொடர்பில் விசாரணைகளை முன்னெடுத்துள்ளதுடன் ஏட்டிக்கு போட்டியாக பேருந்தினை ஓட்டிவந்தமையாலேயே விபத்து நிகழ்ந்துள்ளதாக காயமடைந்த மக்கள் தெரிவித்துள்ளார்கள்.
விபத்துக்குள்ளான பேருந்தினை முல்லைத்தீவு பொலிஸார் பொலிஸ் நிலையத்திற்கு எடுத்து சென்றுள்ளார்கள்.
அத்துடன், பேருந்தின் சாரதி மற்றும் நடத்துனர் இருவரையும் பொலிஸார் கைது செய்துள்ளார்கள்.
கைது செய்யப்பட்ட சாரதி மருத்துவ சிகிச்சைக்காக முல்லைத்தீவு மாவட்ட மருத்துவமனையில் அனுமதிக்கப்பட்டுள்ளார்.
சாரதியின் சாரதி அனுமதிப்பத்திரம் மற்றும் போக்குவரத்து விதிமுறைகள் தொடர்பிலும் முல்லைத்தீவு பொலிஸார் விசாரணைகளை முன்னெடுத்துள்ளார்கள்.
மேலும் சந்தேக நபர்கள் இருவரையும் நீதிமன்றில் முன்னிலைப்படுத்தும் நடவடிக்கையிலும் ஈடுபட்டுள்ளதாக பொலிஸ் தகவல்கள் தெரிவிக்கின்றன.
வெட்டுவாய்க்கால் பாடசாலை மாணவர்களுக்கு பாடசாலை உபகரணப் பொருட்கள் அன்பளிப்பு
இளையோருக்கு உதைபந்தாட்டக் காலணிகள் வழங்கி வைப்பு: பிரான்ஸ் ஒன்றியம் (படங்கள்)
பிரதேச மட்ட இலக்கியப் போட்டிகளில் பரிசில்களைப் பெற்ற வட்டுவாகல் அறநெறிப் பாடசாலை
அறநெறிக் கல்விக்கு அனுசரணை வழங்கி ஆதரவு நல்கிவரும் அனைவருக்கும் வணக்கம் .  |
பிரதேச மட்ட இலக்கியப் போட்டிகளில் பங்கு பற்றிஇ கடந்த 2022-01-05ம் திகதி கரைத்துறைப்பற்று பிரதேசச் செயலகத்தில் நடைபெற்ற பரிசளிப்பு விழாவில் பரிசில்களைப் பெற்றுக் கொண்ட வட்டுவாகல் சப்த கன்னிமார் அறநெறிப் பாடசாலை மாணவர்களின் பெயர் விபரங்கள்
பாலர் பிரிவு- கையெழுத்துப் போட்டி
றஐுவ்-மேனகா (2ம் இடம்)
சிறுவர் பிரிவு- கையெழுத்துப் போட்டி
சுதன்- குயின்சினி (1ம் இடம்)
சிறுவர் பிரிவு- கவிதைப் பாடல் போட்டி
சுதன்- குயின்சினி(1ம் இடம்)
மத்திய பரிவு- கவிதைப் பாடல் போட்டி
பாபு-நேருஐா (3 ம் இடம்)
வசீகரன்-பிரியங்கா(3ம்இடம்)
மத்திய பிரிவு- கவிதை எழுதுதல் போட்டி
பாபு-நேருஐா (1ம்இடம்)
வசீகரன்-பிரியங்கா (2ம் இடம்)
ஆறுதல் பரிசுகளைப் பெற்றுக் கொண்டவர்கள்
பாலர் பிரிவு
அ.டிஐானா (81புள்ளி)
ந.டனுசா (56புள்ளி )
சிறுவர் பிரிவு
சு.சனுஸ்கா (86புள்ளி)
தி.திசாளினி (84புள்ளி)
பா.சனோஐித் (70புள்ளி)
சி.கன்சிகா (68 புள்ளி)
தீ.மிருசன் (68புள்ளி)
பெற்றோர்களே!
உங்கள் பிள்ளைகளைத் தவறாது அறநெறிக்கு அனுப்பி வையுங்கள்.
"பிள்ளைகளின் எதிர்காலம் உங்கள் கையில்"
நன்றி
பொறுப்பாசிரியர்.
பரிசளிப்பு விழாவின் பதிவுகள் சில.
கடும் மழை : முகத்துவாரம் தானாக உடைத்து பாய்கின்றது நந்தி ஆறு
நேற்றிலிருந்து பெய்த கடும் மழை காரணமாக வட்டுவாகல் முகத்துவாரம் தானாக உடைத்து இன்று நள்ளிரவில் இருந்து நந்தி ஆறு கடலுடன் சங்கமிக்கின்றது.
அதிக மழையினால் சடுதியாக நீர்மட்டம் அதிகரித்ததனாலேயே ஆறு தானாக உடைப்பெடுத்து பாய்கின்றது.
மேலதிக விபரங்கள் , படங்கள் தரவேற்றப்படும்
5பில்லியன் ரூபாய்கள் செலவில் வட்டுவாகல் பாலம் விரைவில் நிர்மாணிப்பு: பா உ திரு சுரேன்ராகவன்
முல்லைத்தீவு வட்டுவாகல் புதிய பாலம் விரைவில் நிர்மாணிக்கப் படுமாம். சுமார் 5பில்லியன் ரூபாய்கள் செலவாகலாம் என உத்தேசம்.பாராளுமன்ற உறுப்பினரான திரு சுரேன்ராகவன் தெரிவிப்பு!
அண்மையில் முல்லைத்தீவுக்கு விஜயத்தை மேற்கொண்டிருந்த முன்னாள் வடமாகாண ஆளுனரும்,தற்போதைய பாராளுமன்ற உறுப்பினரான திரு சுரேன்ராகவன் இதனைத் தெரிவித்தார்.புதிய பாலம் நிர்ணயிக்கப்பட வேண்டும் என்று பலராலும் வேண்டுகோள் விடுத்த நிலையில் இந்தச் செய்தி பாராட்டப்பட வேண்டியதாகும்.
பழைய பாலம் நினைவுச் சின்னமாக அப்படியே இருக்க,அதற்கு மேலாக புதியபாலம் நிர்ணயிக்கப்படும்.இது விண்ணப்பித்தவர்களின் விருப்பமும் கூட. ஏற்கனவே இதற்குரிய வரைபடத்தை உருவாக்கி மதிப்பீடு செய்யப்பட்டு
மூன்று பில்லியன் ரூபாய் செலவாகும் ,என கணக்கிடப்பட்டது.3 வருடத்தில் இதன் கட்டுமானம் நிறைவு பெறும் எனவும் திட்டமிடப்பட்டது.கொரணா இடையூறு காரணமாக இத்திட்டம் தள்ளிப்போனது. இன்றைய நிலையில் புதிய மதிப்பீடு செய்வது அவசியமாகும்.ஏறக்குறைய 5பில்லியன் ரூபாய் செலவாகலாம்.இந்தப் பாலத்தை அமைப்பதற்கான செயற்பாடுகள் விரைவில் ஆரம்பமாகும் . என பாராளுமன்ற உறுப்பினர் திரு சுரேன்ராகவன் மேலும் தெரிவித்தார்.
நன்றி.ஐ பி சி தமிழ் செய்திப்பிரிவு.
அடங்காத் தமிழன் காலஞ்சென்ற திரு சுந்தரலிங்கம் அவர்கள் வவுனியா பாராளுமன்ற உறுப்பினராக இருந்த காலத்தில் 1951ம் ஆண்டு இந்த வட்டுவாகல் பாலம் கட்டப்பட்டது.
எழுபது ஆண்டுகளைக் கடந்த நிலையில் இப்பாலம் சிதைவடைந்து காணப்படுகிறது.பலமான ஆற்றுப் பாய்ச்சல் ,இயற்கை அனர்த்தங்களாக அப்பப்ப ஏற்படும் வெள்ளப் பெருக்குகள்.சுனாமியின் தாக்கம்.நடந்து முடிந்த யுத்தம் என்று.இந்தப்பாலத்தை உருக்குலைத்திருந்தன.
புதிய பாலத்தை அமைக்க வேண்டு மென்று
வட்டுவாகல் மக்களுடன்,பிரயாணம் செய்பவர்களும் இதற்கான குரல்களைக் கொடுத்துக் கொண்டே இருக்கிறார்கள்.
நானும் எனது பங்கிற்கு முன்பு முகநூலில் இரண்டு கட்டுரைகளைப் பதிவு செய்திருந்தேன்.அதுமாத்திரமன்றி சம்பந்தப் பட்ட பலருக்கும் வேண்டுகோளாக விடுத்திருந்தேன்.
இந்தச் செய்தி மகிழ்ச்சியளிக்கிறது.கிடப்பில் போடாமல் விரைவில் இதன்கட்டுமானப் பணிகள் ஆரம்பிக்கப் படவேண்டும் என்பதில் வட்டுவாகலைப் பிறப்பிடமாகக் கொண்டவன் என்றவன் என்ற ரீதியில் ஆர்வமாக இருக்கிறேன்.
நன்றி.
பொன்.புத்திசிகாமணி,யேர்மனி.
இந்த விடயம் தொடர்பில் திரு கணேசமூர்த்தி 05.01. 2020 இல் எழுதிய கட்டுரையின் இணைப்பும் இணைக்கப்பட்டுள்ளது
https://www.vadduvakal.com/2020/01/blog-post.html
புதிதாக கட்டப்பட்ட நாக கன்னிகள் ஆலய கும்பாபிசேகம் : படங்கள்
வட்டுவாகலில் அமைந்துள்ள நாக கன்னிகள் ஆலயம் புதிதாக கட்டப்பட்டு கடந்த இரு நாட்களாக கும்பாபிசேகம் நடைபெற்று வருகின்றது.
கிழக்கு மாகாண ''விளாவூர் யுத்தத்தில்'' போராடி இரண்டாமிடம் பெற்ற உதயசூரியன் அணி : படங்கள்
முல்லைத்தீவு வட்டுவாகல் உதயசூரியன் விளையாட்டுக் கழகமானது முதற்தடவையாக கிழக்கு மாகாணத்தில் மட்டக்களப்பில் இடம்பெற்ற விளாவட்டவான் ராஜா விளையாட்டுக் கழகத்தினால் நடாத்தப்பட்ட **விளாவூர் யுத்தம்** உதைபந்தாட்டத் தொடரில் பங்குபற்றி பல சாதனைகளை படைத்துள்ளது.
வெளி மாவட்ட உதைபந்தாட்டப் போட்டித்தொடரின் முதல் போட்டியில் உதயசூரியன் வெற்றி
வட்டுவாகல் உதயசூரியன் விளையாட்டுக் கழகமானது முதற்தடவையாக வெளி மாவட்ட ரீதியில் மட்டக்களப்பில் இடம்பெற்ற விளாவட்டவான் ராஜா விளையாட்டுக் கழகத்தினால் நடாத்தப்பட்ட உதைபந்தாட்டத் தொடரில் பங்குபற்றியது.
புதிதாக கட்டப்பட்ட வட்டுவாகல் நாக கன்னிகளிற்கு நாளை கும்பாபிசேகம்
புதிதாக கட்டப்பட்ட வட்டுவாகலில் அமைந்துள்ள நாக கன்னிகள் ஆலயத்தில் நாளை ‘கும்பாபிசேகம்’ நடைபெறுவதற்கான ஏற்பாடுகள் செய்யப்பட்டுள்ளது.
பல தசாப்தங்களின் பின் பொங்கலுற்ற வட்டுவாகல் இடிந்த பிள்ளையார் / கேணியடிப் பிள்ளையார்
வட்டுவாகலில் உள்ள மிகப்பழைய பிள்ளையார் கோயில் புனருத்தானம் பெற்று இன்று எழிமையாகப் பொங்கல் கண்டிருக்கின்றது.
வட்டுவாகல் மக்களின் போராட்டத்தால் மழுங்கிய துப்பாக்கி முனை: கைவிடப்பட்ட காணி அபகரிப்பு
"துப்பாக்கி முனையில் எமது வட்டுவாகல் கிராம மக்களுக்கு உரித்தான காணிகளை கையகப்படுத்த அரச தரப்பு மேற்கொண்ட பெரு முயற்சி வட்டுவாகல் மக்களின் போராட்டத்தால் இன்று தடுக்கப்பட்டது "
‘’உயிர் காக்க ஒன்றிணைவோம்’’ : சிறு துளி பெருவெள்ளமாகட்டும்
எம் தாய் நிலத்தில் ஏற்பட்டுள்ள இன்றைய நிலை நாம் அறிந்ததே. கொரொனாவின் தாக்கத்தால் அதன் மருத்துவ தேவைகளை நிவர்த்திக்க முடியாது வளர்ச்சியடைந்த நாடுகள் உட்பட பல உலக நாடுகள் திண்டாடி வருகின்றன. எம் தாய்நிலமும் இதற்கு விதிவிலக்கல்ல.
ஊரடங்கு வேளையில் பொறுப்புடன் செயற்பட்ட நற்பணி மன்றம் :இளைஞர்களும் புலம்பெயர் உறவுகளும் கைகோற்பு
முல்லைத்தீவு மாவட்டத்தில் மூன்று பொலீஸ் பிரிவினை கொண்ட இரண்டு பிரதேச செயலகங்கள் கடந்த 17.05.21 நள்ளிரவு தொடக்கம் தனிமைப்படுத்தப்பட்ட பகுதிகளாக அறிவிக்கப்பட்டு நடைமுறைப்படுத்தப்பட்டமை நாம் அறிந்ததே.
இந்நிலையில் நாட்டில் ஏற்பட்டுள்ள அசாதார சூழ்நிலையினைக் கருத்திற்கொண்டு ஊரடங்கு சட்டம் அமுலில் உள்ள நிலையிலும் இராணுவம் , பொலிஸ் ஆகியோரின் தடைகளுக்குமத்தியிலும் வட்டுவாகல் நற்பணி மன்றத்தினால் பொருட்கள் கொள்வனவு செய்யப்பட்டு எமது கிராம மக்களுக்கு உலர் உணவுப் பொருட்கள் வழங்கப்பட்டுள்ளது.
இந்த மகத்தான பணியில் புலம்பெயர் வாழ் உறவுகளுடைய பங்களிப்புடன் எமது கிராமத்தின் இளைஞர்களினால் சிறப்புடன் நிறைவேற்றப்பட்டது. சுகாதார விதிமுறைகளுக்குட்பட்டு இப்பணியை நிறைவேற்றிய வட்டுவாகல் நற்பணி மன்றத்துக்கும் , பொறுப்புடன் செயற்பட்ட அனைவருக்கும் மனமார்ந்த நன்றிகளை கிராம மக்கள் சார்பாகத் தெரிவிப்பதில் மட்டற்ற மகிழ்ச்சிகள்.
இனிதே நிறைவுற்ற சப்தகன்னிமார் ஆலய மகா கும்பாபிஷேகம்: (படங்கள்)
இலங்கையின் பலபாகங்களிலுமிருந்து பிரத்தியேகமாக வரவழைக்கப்பட்ட வணக்கத்திற்குரிய பிரதான பல குருக்கள்மாரின் பங்களிப்புடன் வட்டுவாகல் சப்தகன்னிமார் ஆலயத்தின் மகா கும்பாபிஷேக நிகழ்வு இனிதே நிறைவு பெற்று தற்பொழுது ஏனைய அபிஷேக பூஜைகள், மண்டலாபிசேக பூஜைகள் இடம்பெற்று வருகின்றது.
மிடுக்குடன் மிளிரும் வட்டுவாகல் சப்தகன்னிமார் ஆலயம்- மகா கும்பாபிஷேகத்திற்குத் தயார் (படங்கள்)
வெட்டுவாய்க்கால் பாடசாலையில் புலமைப்பரீட்சையில் உயர் பெறுபேறு: கல்வியமைச்சினால் ஆசிரியர் கௌரவிப்பு
2020 ஆம் ஆண்டு முல்லைத்தீவு வெட்டுவாய்க்கால் பாடசாலையில் தரம் ஐந்து புலமைபரிட்சை எழுதிய மாணவர்களில் 92% மாணவர்கள் 100 வீதம் புள்ளிகளை பெற்றுள்ளார்கள். இதற்காக வடமாகணகல்வி அமைச்சினால் வகுப்பாசிரியர் திருமதி அருள்மலர்றாஜி அமலராசா அவர்களுக்கு பாராட்டு பத்திரம் வழங்கப்பட்டுள்ளது.
இதற்காக உழைத்த அனைவருக்கும் வாழ்த்துக்கள். வரும் காலத்தில் எமது இளைய சமுதாயம் இன்னும் முன்னேற முழுமையான முயற்சியை செய்வோமாக
.
வட்டுவாகலில் குண்டுவெடிப்பு: இளைஞன் பலி மற்றொருவர் படுகாயம்.
வட்டுவாகலில் இன்று (அக்கரையில் முள்ளிவாய்க்கால் பக்கமாக) இடம்பெற்ற குண்டு வெடிப்பில் வட்டுவாகலைச் சேர்ந்த இளைஞன் ஒருவர் பலியாகி இருக்கின்றார் மற்றொருவர் படுகாயமடைந்து தீவிர சிகிச்சைப் பிரிவில் அனுமதிக்கப்பட்டுள்ளார்.
முல்லைத்தீவு மாஞ்சோலை வைத்தியசாலையில் சிகிச்சை பயனளிக்காமல் பலியாகிய இளைஞர் சந்திரமோகன் நிசாந்தன் வயது 19 எனத் தகவல் கிடைக்கப் பெற்றுள்ளது. படுகாயமடைந்து தீவிர சிகிச்சைப் பிரிவில் செல்லக்குமார் சயந்தரூபன் வயது 20 அனுமதிக்கப்பட்டுள்ளார்.
மேலதிக விபரங்கள் தரவேற்றப்படும்.
வட்டுவாகலில் வயோதிபர்களின் நலன் பேண உதயமாகின்றது ''நாகேஸ்வரி அறக்கட்டளை'':சிறந்த பணி
பிரித்தானியாவில் வாழ்ந்துவரும் திரு நடராசமூர்த்தி பிரபாகரன் அவர்களினால் வயோதிபர்களின் நலன் பேணுவதற்கான ''நாகேஸ்வரி அறக்கட்டளை'' வட்டுவாகலில் 05.04.2021 இன்று ஆரம்பிக்கப்படவுள்ளது.
வட்டுவாகலில் வாழ்ந்துவரும் 70 வயதுக்கு மேற்பட்ட வாழ்வாதார வசதி தேவைப்படுகின்ற அனைத்து முதியவார்களும் பயன் பெறக்கூடிய ஏற்பாட்டினை முதன்மை நோக்கமாகக் கொண்டு இவ்வறக்கட்டளை ஆரம்பிக்கப்பட்டுள்ளது. தனது அன்னையின் பெயரில் ''நாகேஸ்வரி அறக்கட்டளை'' ஆரம்பிக்கப்பட்டுள்ளமை சிறப்பானதாகும்.
திரு நடராசமூர்த்தி பிரபாகரன் அவர்கள் வட்டுவாகல் சப்த கன்னிமார் ஆலய இராஜ கோபுர கட்டுமானப் பணியை தனியொருவராக பொறுப்பேற்றுச் செயற்படுத்துவதனையயும் இங்கு குறிப்பிடவேண்டும்.
அவரது இச் சிறந்த பணி தொடர எமது கிராமத்தின் சார்பாக நல் வாழ்த்துக்களைத் தெரிவித்துக் கொள்கின்றோம் .
நாகேஸ்வரி அறக்கட்டளை சிறப்பாகத் தனது பணியை ஆரம்பித்துச் செயற்படட்டும்.
உதைபந்தாட்ட சுற்றுப் போட்டியில் வெற்றியைப் பதிவுசெய்து லீக் சுற்றுக்குள் நுழைந்த உதயசூரியன் விளையாட்டுக் கழகம்
வற்றாப்பளை செந்தமிழ் விளையாட்டுக்கழகம் நடாத்தும் அணிக்கு 11 பேர் கொண்ட உதைபந்தாட்டச் சுற்றுப் போட்டியில் அண்ணா விளையாட்டுக்கழகத்தை எதிர்த்து வட்டுவாகல் உதயசூரியன் விளையாட்டுக்கழகம் இன்று (04.04.2021)மோதியது. வற்றாப்பளை செந்தமிழ் விளையாட்டுக்கழக மைதானத்தில் நடைபெற்ற இப்போட்டியின் முடிவில் இரு அணிகளும் 1:1 என்ற கோல் கணக்கில் சமநிலையில் இருந்தன. முடிவைத் தீர்மானிக்கும் தண்ட உதை முடிவில் வட்டுவாகல் உதயசூரியன் விளையாட்டு கழகம் 4:1 என்ற கோல் கணக்கில் வெற்றி பெற்றது.
தமிழ் சைவ பக்திப் பாடல்கள் ஒலித்த வட்டுவாகலில், பௌத்தமதக் காப்புரைகளா? : திரு ரவிகரன் காட்டம்
தமிழ் சைவ இறை இசைப் பாடல்கள் மட்டுமே ஒலித்த வட்டுவாகல் கிராமத்தில் தற்போது பௌத்த மதக்காப்புரைகள் காலையும் மாலையும் ஆக்கிரமிப்பு உரைகளாக ஒலிக்கவிடப்படுவதாக முன்னாள் வடமாகாணசபை உறுப்பினர் மதிப்புறு துரைராசா ரவிகரன் அவர்கள் தெரிவித்துள்ளார்.
அதேவேளை வட்டுவாகல் கிராமம் கடற்படை, இராணுவம், வனஜீவராசிகள் திணைக்களம் என பல்வேறு அரச இயந்திரங்களால் ஆக்கிரமிக்கப்பட்டுள்ளதாகவும் அவர் மேலும் சுட்டிக்காட்டியுள்ளார்.
முல்லைத்தீவு - கள்ளப்பாடு வடக்குப் பகுதியில் அமைந்துள்ள தனது மக்கள் தொடர்பகத்தில் 25.02நேற்று இடம்பெற்ற ஊடக சந்திப்பிலேயே ரவிகரன் அவர்கள் இதனைத் தெரிவித்துள்ளார்.
இது தொடர்பில் அவர் மேலும் கருத்துத் தெரிவிக்கையில்,
வட்டுவாகல் ஒரு தனித் தமிழ் சைவக் கிராமமாகும். இந்த கிராமத்தில் தற்போது சத்தமில்லாதவகையில் பல வழிகளிலும் ஆக்கிரமிப்பு நடவடிக்கைகள் மேலோங்கிவருகின்றன.
அந்த வகையில் அங்கு கோத்தபாய கடற்படைத் தளம் என்னும் கடற்படைத்தளம் ஒன்று அமைக்கப்பட்டுள்ளது. இதனால் வட்டுவாகல் அக்கரையில், வடக்காறுப் பகுதிக்கு எவரும் மீன்பிடிச் செயற்பாட்டிற்குச் செல்ல முடியாதவாறு 670ஏக்கர், 03றூட், 10பேச் காணியினை கடற்படையினர் அபகரித்துள்ளனர்.
இதுதவிர வட்டுவாகல் இக்கரையிலும் வடக்காறுப் பக்கமாக கிட்டத்தட்ட நூற்றுக்கணக்கான ஏக்கர் நிலத்தினை அபகரித்து அங்கு இராணுவமுகாம் அமைக்கப்பட்டதோடு மாத்திரமின்றி, பாரிய பௌத்த விகாரையும் அங்கு அமைக்கப்பட்டு ஆக்கிரமிப்பு நடவடிக்கைகள் வலுப்பெற்று வருகின்றன.
அத்தோடு நந்திக்கடலும், நந்திக்கடலோடு சேர்ந்த வயல்நிலங்கள், நிலப்பகுதிகளை உள்ளடக்கி வனஜீவராசிகள் திணைக்களம் ஏறத்தாள 10250ஏக்கர், அதாவது 4141.67ஹெக்டயர் நிலத்தினை தங்களுடைய ஆளுகைக்குள் கெண்டுவந்திருக்கின்றார்கள்.
இந்தவகையில் கடற்படை, இராணுவம், வனஜீவராசிகள் திணைக்களம் என அரச இயந்திரங்கள் வட்டுவாகல் பகுதியில் தமது ஆக்கிரமிப்புச் செயற்பாடுகளை முன்னெடுத்துள்ளன.
அதேவேளை இப்பகுதி பகுதிமக்கள் மீள்குடியேற்றம் செய்யப்பட்ட காலத்தில், சிங்கள பௌத்த குடும்பங்களே இல்லாத இந்த வட்டுவாகல் கிராமத்தில் பௌத்த விகாரை ஒன்றும் அங்கு அமைக்கப்பட்டது.
இவ்வாறு அமைக்கப்பட்டுள்ள பௌத்த விகாரையில் பௌத்த மத காப்புரைகள் காலையும் மாலையும் வட்டுவாகல் கிராமம் பூராகவும் ஒலிபெரிக்கியூடாக ஒலிபரப்பப்படுகின்றது. அதாவது பௌத்த மதக் காப்புரைகள் அங்கு ஆக்கிரமிப்பு உரைகளாக அங்கு ஒலிக்கவிடப்படுகின்றன.
ஒரு தனித் தமிழ் சைவக் கிராமத்தில் இப்படியானதொரு பௌத்த மத ஆக்கிரமிப்பு இடம்பெறுவதுடன் கடற்படை, இராணுவம் வனஜீவராசிகள் என்பவற்றாலும் ஆக்கிரமிப்புக்கள் இடம்பெற்றுவருவதால், வட்டுவாகல் கிராமத்தில் வாழும் தமிழ் மக்கள் கூனிக் குறுகிப்போய் இருக்கக்கூடிய நிலையே ஏற்பட்டுள்ளது.
நாளாந்தம் சைவ இறைஇசைப் பாடல்கள் ஒலித்துவந்த வட்டுவாகல் கிராமத்தில் தற்போது பௌத்த மத காப்புரைகள் ஆக்கிரமித்துள்ளன - என்றார்
உதயமாகியது வட்டுவாகலில் நற்பணி மன்றம்: கிராம மக்களின் அமோக வரவேற்பு
வட்டுவாகலில் நற்பணி மன்றமானது உருவாக்கப்பட்டு இன்று தமது செயற்பாட்டை ஆரம்பித்துள்ளது வரவேற்கத்தக்கது.
தாயகத்திலுள்ள , புலம்பெயர்ந்து வாழும் வட்டுவாகல் உறவுகள் ஒன்றித்து இச் செயற்பாடுகள் ஆரம்பிக்கப்பட்டு செயற்படுத்தப்பட்டமை மனநிறைவையும் மகிழ்ச்சியையும் தருகின்றது. தாயகத்தில் ஏற்படுத்தப்பட்ட சிறந்த நிர்வாகத்தினருடன் , புலம்பெயர்ந்து வாழும் அனைத்து வட்டுவாகல் உறவுகளும் ஒன்றாகப் பயணித்து இவ் நற்பணி மன்றத்தின் செயற்பாடுகள் முன்னெடுக்கப்படுதல் மேலும் வலுச்சேர்ப்பதாக அமைகின்றது.
எமது கிராமத்தின், கிராம மக்களின் அத்தியாவசிய, அடிப்படைத்தேவைகள் முதற்கட்டமாகத் தீர்க்கப்படவுள்ளது. அரசாங்கத்தினரின் செயற்பாடுகளை, அதன் உதவியை மட்டும் எதிர்பாராமல் தாயகத்திலும் , புலம்பெயர்தேசங்களிலும் வாழும் உறவுகளின் நிதிப் பங்களிப்புடன் இச் செயற்பாடுகள் மேன்மேலும் விரிந்து செல்லவேண்டும் என்பதே அனைவரது விருப்பமாகவும் தேவையாகவும் அமைகின்றது.
இச் செயற்பாடுகளில் தாயகத்திலோ அல்லது புலம்பெயர் தேசங்களிலோ எம்முறவுகள் இணைய விரும்பினால் தயவுசெய்து கீழ் உள்ள பொறுப்பானவர்களுடன் தொடர்புகொள்ளுமாறு அன்புடன் அழைக்கப்படுகின்றார்கள்.
இணைப்பாளர் - திரு குணநேசன் (ஆசிரியர்) 0094 77 603 3938
தலைவர் - திரு செந்தூர்ச்செல்வன் 0094 75 610 4330
''ஒற்றுமையே எமது பலம்''
சப்த கன்னிமார் ஆலய புனரமைப்பு : வட்டுவாகல் மக்களை ஒன்றிணையுமாறு அன்பான அழைப்பு
அருள் மிகு வட்டுவாகல் சப்த கன்னிமார் ஆலயத்தில் புனருத்தானப் பணிகள் ஆலய நிர்வாகத்தினரின் மேற்பார்வையில் இடையறாது நடைபெற்று வருகின்றது. பாலஸ்தானம் மேற்கொள்ளப்பட்டு ஆலயத்திற்கான புதிய கட்டடப் பணிகள் தீவிரமாக மேற்கொள்ளப்பட்டு வருகின்றன.
வட்டுவாகல் பாடசாலை மாணவர்களுக்கு முகக்கவசங்கள் வழங்கிவைப்பு: பிரான்ஸ் ஒன்றியம்
கொரோனா தொற்று வேகமாக பரவி வரும் நிலையில் வட்டுவாகல் பாடசாலை மாணவர்களுக்கு ஒரு தொகுதி முகக்கவசங்களை வழங்கி உதவிய பிரான்ஸ் ஒன்றிய உறுப்பினர்களுக்கும், பாடசாலையின் ஒரு பகுதி வேலியை சிரமதான அடிப்படையில் அமைத்துக் கொடுக்கும் வட்டுவாகல் உதயசூரியன் விளையாட்டுக்கழக இளைஞர்கள் மற்றும் பெற்றோர்களுக்கும் நன்றியைத் தெரிவித்துக் கொள்கின்றோம்.
வட்டுவாகல் பாலத்தை மூடிய வெள்ளநீர்: கடலில் சங்கமித்தது நந்தியாறு - படங்கள் வீடியோ
வட்டுவாகல் பாலத்தை மூடிய கடல்நீர்: கடலில் சங்கமித்தது நந்தியாறு
இதற்கு குழுசேர்:
இடுகைகள்
(
Atom
)
.jpg)
